ხელოვნური კუნძლის მშენებლობა აქტიურად მიმდინარეობს
ბატუმში ხელოვნური კუნძულის მშენებლობას აქტიურად ახორციელებს “FK Development”-ი. ამ ეტაპზე შექმნილია 2 ჰექტრამდე ტერიტორია ზღვაში. ადგილზე კვლავ მობილიზებულია ტექნიკა და მიმდინარეობს სამუშაო პროცესები.
სამშენებლო პროცესზე აჭარის მთავრობის წარმომადგენლები იმყოფებოდნენ.
„FK Development”-ი ინტენსიურ რეჟიმში ახორციელებს ბათუმში ხელოვნური კუნძლის სამშენებლო სამუშაოებს.
სამშენებლო პროცესზე დღეს აჭარის მთავრობის წარმომადგენლები იმყოფებოდნენ. ნაპირგასამაგრი სამუშაოების შედეგად უკვე შექმნილია 2 ჰექტრამდე ტერიტორია ზღვაში. დასრულებულია ზღვის ფსკერის გეოლოგიური და ბათიმეტრიული კვლევები.
ბათუმში ხელოვნური კუნძულის პროექტის მშენებლობის ოფიციალურად დაწყების ღონისძიების შემდეგ “FK Development”-ი აქტიურად ახორციელებს სამშენებლო სამუშაოებს როგორც დღისით, ასევე ღამით.
სამშენებლო სამუშაოების წარმოებას უზრუნველყოფს ადგილობრივი და საერთაშორისო საზღვაო სინჟინრები და ტექნიკური სპეციალისტები.
ადგილზე მობილიზებულია მაღალხარისხიანი, გამართული ტექნიკა და სამშენებლო მასალები.
ბათუმში უმსხვილესი საინვესტიციო პროექტის მშენებლობა ოფიციალურად დაიწყო, რომელიც ულტრათანამედროვე, გასართობ-გამაჯანსაღებელი ტიპის ორი ხელოვნური ნახევარკუნძულისა და ერთი კუძულის მოწყობას გულისხმობს.
3 სექტემბერს გაიმართა პროექტის საძირკველის ჩაყრისა და კაფსულის ჩაგდების ცერემონია.
ცერემონიაზე სიტყვით გამოვიდნენ საქართველოს პრემიერ-მინისტრი ირაკლი ღარიბაშვილი, საქართველოს ეკონომიკისა და მდგრადი განვითარების მინისტრი და საქართველოს ვიცე-პრემიერი ლევან დავითაშვილი, აჭარის მთავრობის თავმჯდომარე თორნიკე რიჟვაძე და „ამბასადორი ბათუმი აილენდის“ თანადამფუძნებელი ფრიდონ ქათამაძე.
„Ambassadori Batumi Island”-ის მშენებლობას კომპანია „FK Development”-ი ახორციელებს, რომელსაც სამშენებლო-საინჟინრო მიმართულებით 22 წლიანი გამოცდილება აქვს.